Посен чоколаден колач од тиквичка

Тиквичките добро измијте ги, избришете ги со кујнска хартија па изрендајте ги на ситната страна од рендето.

Ренданата тиквичка нежно притиснете ја со раце за да и ја отстраните вишокот на течност.
Од исцедената тиквичка измерете 300 гр. и ставте ја во сад на страна.

Во длабок сад ставете ги шеќерот, маслото за јадење и екстрактот од ванила па изматете ги со миксер додека состојките се соединат.

Во друг сад измешајте ги брашното, какаото и солта. Додадете сода бикарбона и повторно убаво промешајте за да се распоредат состојките па целата содржина од садот додадете ја во смесата од шеќер и масло. Промешајте.

На крајот во садот додадете ја изренданата тиквичка и мешајте со рачна маталка додека се добие мазна, хомогена смеса.

Истурете ја смесата во намастен и набрашнет калап за печење (со димензии 23см. x 33см. или кружен калап со дијаметар 32см.) и ставете го колачот да се пече во претходно загреана рерна на 175°C, 25-30 минути.

Извадете го колачот од рерна и оставете го целосно да се излади пред да го исечете и послужите.